Mungiako Udalak 2025-2026 ikasturterako kirol-programazio oso eta berritua aurkeztu du, dagoen eskaintza nabarmen handitzen duena. Guztira, iaz baino 252 saio gehiago programatu dira, Mungia adin guztietarako jarduera fisikoan erreferente bihurtuz.
Programazioak helduentzako zein haur eta gazteentzako jarduerak biltzen ditu, kirola modu inklusiboan, osasuntsuan eta bizitzako etapa bakoitzera egokituta sustatzeko helburuarekin.
Helduentzat igeriketa, padel, 60 urtetik gorakoentzako gimnasia, zoru pelbikoko tailerrak eta jarduera anitzeko ikastaroak eskaintzen dira, hamar modalitate baino gehiagorekin, hala nola pilates, core, hipopresibo, aquagym, zumba, aeromix, GAP, bodytono, TRX, cross training, hitboxing edo stretching, besteak beste. Bestalde, haur eta gazteentzat, programazioak jarduera espezifikoak biltzen ditu, hala nola padel, Gazte Box, fitness, igeriketa...
"Gure helburua programazio zabala, askotarikoa eta kalitatezkoa eskaintzea da, Mungiako herritarrak urte osoan aktibo egon daitezen. Saioen luzapenak gero eta eskaera handiagoari erantzuten dio eta adin guztietako osasun eta ongizatearekin dugun konpromisoa indartzen du" azaldu du Alaitz Erkoreka Baraiazarra alkateak. Izan ere, aipatzekoa da Mungiako udal kiroldegiak "urtean 6 egun baino ez dituela ixten, herritarrei ia egutegi osoan zehar zerbitzu egonkorra eta irisgarria bermatuz", gaineratu du.
Informazio gehiago jaso nahi izanez gero, jo Mungiako udal kiroldegira /mungia.eus / mungiamartxan.com / 946743412/kiroldegia@mungia.eus