Zer da HMJP eta zergatik da garrantzitsua zuretzat?
HMJP trafiko-plana baino askoz gehiago da; mugikortasun-beharra, ingurumena eta osasun publikoaren babesa orekatzea bilatzen duen ibilbide-orria da. Mungian zehar, edozein pertsona modu seguru, eroso eta jasangarrian ibiltzea da helburu nagusia, eta aldi berean auto pribatuarekiko mendekotasuna murriztea.
Zer lortu nahi da plan honekin?
- Trafikoaren emisioak eta zarata murriztu nahi ditugu, gure kaleak arnasa hartzeko eta lasai hitz egiteko leku izan daitezen.
- Hiri-, ekonomia- eta mugikortasun-garapeneko politikak integratzean, ohiko joan-etorriak minimizatzea eta oinarrizko zerbitzuetara modu eraginkor, efiziente eta seguruan errazago iristea lortu nahi dugu.
- Garraio publikoa eta motorrik gabeko garraiobideak bultzatu nahi ditugu, gure ohiko joan-etorrietan lehen aukera izan daitezen.
- 30eko eremuak ezartzea edo zabaltzea eta bide-segurtasuna hobetzea, gure kaleak seguruagoak izan daitezen.
- Oinezkoei lehentasuna ematea. Hiriko eta hiriarteko ibilerraztasuna handitzea, herritarrak seguru, erraz eta eroso mugitu ahal izan daitezen.
- Aparkalekuen kudeaketa hobetzea, denengan pentsatuz: egoiliarrentzako plazak, aparkaldi mugatuak eta saltokietarako zamalanetarako zerbitzuak.
- “Eraztun ziklista” bizikletaz mugitzeko dagoen bidegorri-sarea hobetzea, benetako bizikleta-eraztun bat sortuz, eta distantziak laburtuko dituzten loturadunak.
Lege-esparrua, Euskadiren konpromisoa betez
Prozesu hau klima-aldaketari aurre egiteko estrategia global baten barruan dago kokatuta, eta estatu eta autonomia mailako hainbat legeri erantzuten die, hala nola Euskal Autonomia Erkidegoko Jasangarritasun Energetikoari buruzko otsailaren 21eko 4/2019 Legeari. Lege horren 24. artikuluak xedatzen duenez, lege hori indarrean sartu eta bi urteko epean, 5.000 biztanletik gorako udalerriek hiri-mugikortasuneko plan bat izan beharko dute. Ildo berean, azaroaren 9ko 11/2023 Legeak, Euskadiko Mugikortasun Iraunkorrari buruzkoak, udalei esleitzen die tokiko Mugikortasun-politikak planifikatzeko ardura, HMJParen bidez.