Mungiak Jagotenen XI. jardunaldia hartuko du azaroaren 5ean, eguenean, Zaintzaileen Nazioarteko Egunaren harira. «Mina ulertuten» lelopean, topaketa 16:00etatik 18:00etara egingo da, Udaletxeko Erakusketa Gelan (leku aldaketa egon da).
Jardunaldia Mungialdeko Gizarte Zerbitzuen Mankomunitatea osatzen duten udalerrietako zaintzaile ez-profesionalei eta herritarrei zuzenduta dago. Aurtengo edizioan, minaren eta zaintzaren inguruan hausnartzeko aukera eskainiko da, berbaldia, solasaldia eta luntxa uztartuz.
Topaketaren helburua zaintzaren inguruko esperientziak partekatzeko gune hurbila eskaintzea da, zaintzaile ez-profesionalen lana ikusaraziz eta eguneroko zaintzaren garrantzia nabarmenduz.
Parte hartzeko, aldez aurretik izena emon beharko da, 637 06 80 74 telefono-zenbakira deituta, eguazten, eguen eta barikuetan, 09:00etatik 14:30era.