Mungiak futbolarekin hitzordua izango du irailaren 12an. Mungia Hiria Saria futbol txapelketa 17:00etan jokatuko da Legardako futbol zelaian, C.D. Mungiak antolatuta.
Jardunaldiak futbola eta kirola izango ditu protagonista, eta herritarrei txapelketara gerturatu eta taldeei animoak emateko gonbita egiten zaie.
📅 Irailaren 12a, larunbata
⏰ 17:00
📍 Legardako futbol zelaia
Mungiako Udalak Agirre Jauregiko Euskaltegian egindako lehen hobekuntza fasea amaitu du. Jarduketa eraikinaren hirugarren solairuan egin da, eta espazioen egoera, erabilgarritasuna eta irisgarritasuna hobetzea izan du helburu.
Lanetan barruko eskailerak eta zorua lixatu eta bernizatu dira, eta geletako eta komunetako ateak aldatu dira, irisgarritasun araudia kontuan hartuta. Horrez gain, solairuko hormak hobetu eta margotu dira. Guztira, lanek 35.547,75 euroko inbertsioa izan dute.
Bestalde, uda honetan Agirre Jauregiko balkoietako barandak ere lixatu eta margotu dira, eraikinaren mantentze-lanen barruan. Era berean, argiteria berritzeko lanak egiten ari dira. Jarduketa horrek 14.132 euroko aurrekontua izan du eta lanak laster bukatuko dira.
Jarduketa hauek Agirre Jauregiaren mantentze eta hobekuntza progresiboaren barruan kokatzen dira. Eraikinak Euskaltegiaz gain, Musika Dantza Eskola eta bestelako udal zerbitzu eta jarduerak hartzen ditu.
