Mungiak futbolarekin hitzordua izango du irailaren 12an. Mungia Hiria Saria futbol txapelketa 17:00etan jokatuko da Legardako futbol zelaian, C.D. Mungiak antolatuta.
Jardunaldiak futbola eta kirola izango ditu protagonista, eta herritarrei txapelketara gerturatu eta taldeei animoak emateko gonbita egiten zaie.
📅 Irailaren 12a, larunbata
⏰ 17:00
📍 Legardako futbol zelaia
Mungiako Udalak berriro jarriko du martxan Jaitxori, Larrauriko jaietara joateko doako autobus zerbitzua. Zerbitzua irailaren 26an, larunbata, izango da, eta 16 urtetik gorako mungiarrei zuzenduta egongo da.
Autobusa erabili nahi dutenek aldez aurretik jaso beharko dituzte tiketak. Tiketen banaketa irailaren 24ra arte egingo da, 16:30etik 19:30era, Gaztegunean.
Udalak gogorarazi du NANa aurkeztea derrigorrezkoa izango dela tiketak jasotzeko. Gainera, aforoa mugatua izango da, eta gehienez 2 tiket hartu ahal izango dira pertsona bakoitzeko.
Kartelaren arabera, itzulera 03:30ean izango da
