Mungiak futbolarekin hitzordua izango du irailaren 12an. Mungia Hiria Saria futbol txapelketa 17:00etan jokatuko da Legardako futbol zelaian, C.D. Mungiak antolatuta.
Jardunaldiak futbola eta kirola izango ditu protagonista, eta herritarrei txapelketara gerturatu eta taldeei animoak emateko gonbita egiten zaie.
📅 Irailaren 12a, larunbata
⏰ 17:00
📍 Legardako futbol zelaia
Mungiako Udalak Gabonetako Azoka 2026an parte hartzeko deialdia ireki du. Azoka hau abenduaren 18tik 24ra egingo da udalerrian.
Gabonetako azokaren helburua da Mungia dinamizatzea, tokiko kontsumoa sustatzea eta bertako artisautza eta produktuak balioan jartzea. Horretarako, saltoki-postuen esleipena eta funtzionamendua arautuko dituzten oinarriak onartu dira.
Azokan postua jartzeko interesa duten pertsonek parte hartzeko oinarriak kontsultatu eta eskari-orria aurkeztu ahal izango dute eskuragarri dagoen dokumentazioaren bidez.
