Mungiako Udalak jakinarazi du dirulaguntza-deialdia egin berri duela udalerriko merkataritza-, ostalaritza- eta zerbitzu-establezimenduen hizkuntza-paisaian eta ingurune digitalean euskararen presentzia sustatzeko.
Dirulaguntza hauek Mungian kokatutako negozioentzat izango dira, eta hainbat jarduera diruz laguntzeko aukera emango dute, hala nola: lokalen kanpoko errotulazioa (kartelak, ibilgailuen errotulazioa…) eta barrukoa, eta webguneak euskaraz jartzea.
Ekimen honen helburu nagusia kalean eta ingurune digitalean euskararen presentzia handitzea da; izan ere, egunero-egunero ia konturatu ere egin gabe jasotzen ditugun mezu horiek eragin zuzena dute herritarron hizkuntza-pertzepzioan, eta, ondorioz, hizkuntzaren estatusean eta erabileran.
Dirulaguntzek jarduketen kostuaren ehuneko bat estaliko dute, esku-hartze motaren eta euskararen erabileraren arabera, eta euskara hutsean egindako edukiei emango zaie lehentasuna.
Eskaerak egiteko epea 2026ko irailaren 10era arte egongo da zabalik. Eskabideak egoitza elektronikoaren edo Herritarrentzako Arreta Zerbitzuaren bidez aurkeztu ahal izango dira, horretarako prestatutako eskabide-orri ofiziala erabilita.
Gainera, hizkuntza-aholkularitza eta -laguntza eskainiko da, diruz lagundutako elementuetan euskara behar bezala erabiltzen dela bermatzeko.
Ekimen honen bidez, herriko merkataritza, ostalaritza eta zerbitzuetan euskararen erabilera bultzatzeko egiten diren ahaleginei laguntzen jarraitu nahi du.
Informazio zehatzagoa: www.mungia.eus