Mungiak futbolarekin hitzordua izango du irailaren 12an. Mungia Hiria Saria futbol txapelketa 17:00etan jokatuko da Legardako futbol zelaian, C.D. Mungiak antolatuta.
Jardunaldiak futbola eta kirola izango ditu protagonista, eta herritarrei txapelketara gerturatu eta taldeei animoak emateko gonbita egiten zaie.
📅 Irailaren 12a, larunbata
⏰ 17:00
📍 Legardako futbol zelaia
Mungiako Udalak aurretiazko kontsulta publikoaren epea zabalduko du lokal hutsak etxebizitza bihurtzea arautuko duen ordenantza berriaren tramitazioari ekiteko.
Kontsulta fase honen bidez, etorkizuneko arauak eragin ditzakeen herritarren, entitateen eta erakunde ordezkagarrien iritziak eta ekarpenak jaso nahi dira. Horretarako, 15 egun naturaleko epea izango da proposamenak aurkezteko, irailaren 8tik 23ra hain zuzen ere.
Ekarpenak Udalaren egoitza elektronikoaren bidez edo Herritarraren Arreta Zerbitzuko (HAZ) bulegoan aurkeztu ahal izango dira ezarritako epearen barruan.
Araudi berriaren helburu nagusiak dira indarrean dagoen ordenantza eguneratzea, prozedurak erraztea eta lokalak etxebizitza bihurtzeko aukera emango duten eremuak berrikustea eta zabaltzea, betiere Mungiako merkataritza eta ostalaritza jardueraren babesarekin oreka mantenduz.
Kontsulta publikoaren fasea amaitu ondoren, Udalak jasotako ekarpenak aztertuko ditu eta ordenantzaren dokumentua prestatzen jarraituko du. Dokumentua prest dagoenean, herritarrek alegazioak eta ekarpen berriak aurkezteko aukera izango dute dagokion informazio publikoko fasean.
