Birleko Kofradi Jaiak
Birle auzoak Kofradi Jaiak ospatuko ditu abuztuaren 1etik 3ra, adin guztietako herritarrei zuzendutako egitarauarekin.
Hiru egunetan zehar, musikak, gastronomiak, herri kirolek eta auzokoen arteko topaketek protagonismo berezia izango dute. Egitarauak tortilla txapelketa, umeentzako jarduerak, dantza eta musika saioak, futbito txapelketaren finalak, herri jolasak eta bestelako ekintzak jasotzen ditu.
Mungiako Udalak Birleko Jai Batzordeari eskerrak eman nahi dizkio jaiak antolatzeko egindako lanagatik eta auzoetako jai tradizioa eta herritarren arteko harremanak sustatzen jarraitzeagatik.