Mungiak martxan jarri du jada udako igerilekuen denboraldia, kanpoko igerilekuak modu ofizialean irekita. Instalazioak irailaren 8ra arte egongo dira zabalik, ohiko ordutegiarekin, 10:00etatik 21:00etara. Ekainaren 29an eta uztailaren 7an, igerilekuak itxita egongo dira San Pedro jaiak direla eta. Bestalde, prezioa aurreko urtean bezala mantenduko da: 4 eta 14 urte bitarteko gazteek 3 euroko sarrera izango dute, eta 15 urtetik gorakoek, berriz, 5 eurokoa. Era berean, udako denboraldirako abonu berezi bat erosi ahal izango da, titularra denboraldi osoan libre eta mugarik gabe sar dadin. Familientzat, guraso bakarrekoentzat barne, abonu familiar bat ere badago, eta abonu horren prezioa kide diren kopuruaren araberakoa da.
Nagore Torre Mungiako Udaleko Kirol zinegotziak honako hau adierazi du: "Beste urte batez, udako denboraldia gure kanpoko igerilekuen irekierarekin hasi dugu. Eta berrikuntzekin egiten dugu, hala nola sarrerak digitalki erosteko aukera emango duen online sistema berriarekin, baita igerilekuan zein edukiera dagoen jakiteko ere. Espero dugu hobekuntza horiek guztiek instalazioetara hurbiltzen diren pertsona guztien esperientzia hobetzeko balio izatea".
Aurten ate irekien jardunaldi bat egingo da ekainaren 22an (sarrera doan). Egun horretan, bertaratzen diren pertsona guztiek puzgarriez gozatu ahal izango dute barruko igerilekuan, 13:00etatik 19:00etara, eta kanpoko igerilekuko joko eta txirristak.
Berrikuntzak
Horrela, erabiltzaileen esperientzia hobetzea helburu duten hainbat berrikuntza sartu dira:
• Sarrerak online erosi ahal izango dira Kiroldegiko aplikazioaren bidez, baita aurrez aurreko salmenta ere, itxaronaldiak murrizteko.
• Aplikazioaren bidez ere, igerilekuaren okupazio-mailari buruzko informazioa jaso ahal izango dute pertsonek, bai eta zenbat sarrera dauden eskuragarri ere, eta instalazioetara hurbiltzeko gehien interesatzen zaien unea aukeratu ahal izango dute.
• Denboraldi honetarako, sei aldagela irekiko dira kanpoko igerilekurako. Barruko igerilekuko lau aldagelez gain (bi barruan eta beste bi kanpoan), erabilera anitzeko pistako korridoreko 3. eta 4. aldagelak egongo dira eskuragarri.