Udalak Bentades haur-parkea hobetzeko lanak amaitu ditu, jolas-gune hori erabiltzen duten haurren segurtasuna bermatzeko beharrezko jarduketa. Obra horietan hainbat elementu egokitu eta konpondu dira, eta lurzorua erabat berritu da.
Egindako esku-hartzeen artean, alboko eserlekuetako taulak aldatu dira, eta malguki-balantzin bikoitzaren erdiko eserlekua zaharberritu da. Dorre-multzora sartzeko arrapalako presak ere aldatu dira, txirrista eta guzti, eta segurtasun eta helduleku handiagoa eskaintzen duten rokodromo motako presak jarri dira.
Gainera, aurreko zoladura kendu da, kendutako materiala behar bezala kudeatuz, eta segurtasuneko zoladura jarraitu berri bat instalatu da. Guztira 9.238,35 euroko inbertsioa egin da, eta udalerriko familientzat joko-espazio seguruagoa eta egokiagoa eskaintzeko aukera ematen du.
Horrela, Mungiako Udalak udalerriko espazio publikoak mantentzeko eta hobetzeko lanean jarraitzen du, familientzat eta, bereziki, haurrentzat instalazio seguruak, irisgarriak eta kalitatezkoak eskaintzeko.