Mungiako Udalak Agirre Jauregiko hobekuntza termiko eta akustikoko obrak amaitu ditu, eraikinaren erosotasuna, efizientzia energetikoa eta erabilera-baldintzak hobetzeko helburuarekin.
Esku-hartzeen artean, kanpoko zurezko arotzeriak ordeztea, barruko arotzeria batzuk ate akustikoak jarriz aldatzea eta Musika Eskolako ikasgela batzuetan akustika hobetzea daude, horretarako zoru flotatzaileak eta sabai esekiak instalatuz.
Gainera, akabera orokorreko eta margoketa lanak egin dira, irisgarritasuna hobetu da eta eraikineko hainbat hobekuntza termiko burutu dira. Azpimarratzekoak dira, besteak beste, sabai-leihoa motorez irekitzeko lanak eta Euskaltegia dagoen atikoan aireztapen behartuko sistema berri bat instalatzea.
Obrek 295.571,51 euroko aurrekontua izan dute, eta behar bezala osatu dira.