Hitzordua datorren larunbatean, abenduak 16, izango da, 20:30etatik aurrera, Mungiako kontzertu-lokalean. Besteak beste, Belako, Lukiek, Leun, Wicked Wizzard, Song of Anhubis eta XXL taldeak izan dira Mungirockeko agertokian.
Mungirock urteurrenean murgilduta dago. Izan ere, 2023an, 8 urte bete dira lokalak ateak ireki zituenetik, eta hori ospatzeko, Mungiako Udalak eta Azken Zarata Mungia Rock elkarteak kontzertu berezia antolatu dute datorren larunbaterako, abenduaren 16rako. Kontzertu horretan LEIHOTIKAN punk rock talde iruindarrak eta BLISTER SUN punk rock covers talde mungiarrak joko dute. Hitzordua 20:30etan hasiko da Mungirocken.
Ekitaldia irekitzeko arduradunak BLISTER SUN taldeko kideak izango dira, eta kalitatez beteriko kontzertua eskainiko dute, mota guztietako bertsioekin, bertakoei gozatzeko aukera emanez. Ondoren, LEIHOTIKAN taldearen txanda izango da. 30 urte baino gehiagoko esperientzia du eta punk rock musikaren euskal erreferente bihurtu da.
Bakarne Egia, Mungiako Udaleko Gazteria zinegotziaren esanetan, "ospakizun handia izango da, eta gazteak eta ez hain gazteak musikarik onenaz gozatzera gonbidatzen ditugu. Lokal hori musika-estilo guztietako kontzertuen erreferente bihurtu da, sortzen ari diren taldeena, bai tokikoenena, bai nazioartekoenena". Izan ere, Mungirockeko eszenatokitik Belako, Lukiek, Leun, Wicked Wizzard, Song of Anhubis eta XXL taldeak igaro dira, besteak beste.
Zentzu honetan, lokalak Euskadiko hainbat txokotako bandak hartu ditu, hala nola, Irun, Gasteiz, Bilbo, Mungia eta Mungialdekoak, eta baita Portugal, Estatu Batuak, Frantzia, Polonia eta Eskoziakoak ere, besteak beste. Musika estiloei dagokienez, zortzi urte hauetan ohikoenak hauek izan dira: Bluegrass Country, kautrorock elektronika, doom metala, punk akustikoa, rock psikodelikoa...
Entsegu-lokalak
2015ean inauguratu zenetik, Mungirock entsegu-lokalen erreferente bihurtu da gazte mungiarrentzat. Gaur egun, lokalak zortzi talde ditu, horietako bi berriak. Entsegu-lokalak erabiltzeko plazak mugatuak dira, beraz, urtero berritzen dira Mungiako talde guztiei aukera emateko. Gaur egun izena emateko epea abenduaren 15era arte dago zabalik, ostirala, eta Gazte Informazio Bulegoan egin daiteke.
"Gazteek musika bezalako ondare bizi eta bizigarria partekatzeko topagune izatea nahi dugu, kalitatezko musika, estilo guztietakoa, entzuteko erreferente izatea", azaldu du Bakarne Egiak.