Musika taldeek herriko kaleetan zehar joko dute azaroaren 10etik abenduaren 15era bitartean, 20:00etatik aurrera. Udalak 21.000 euro bideratuko ditu guztira plan horretara, "Mungia Indartzen" programaren bidez.
Mungiako Udalak, Mungiako Merkatari eta Ostalarien Alkartearekin elkarlanean, "Udagoienean Musikaz Blai" jarri du martxan, udalerria dinamizatzeko eta mungiarrei eta bisitariei aisialdirako alternatibak eskaintzeko. Programa bihar, azaroak 10 ostirala, hasiko da eta abenduaren 15ra arte luzatuko da. Musika emanaldiak izango dira herriko hainbat kaletan 20:00etatik aurrera. Udalak 21.000 euro inbertitu ditu "Mungia Indartzen" planaren bidez, saltokiei eta ostalaritza-establezimenduei laguntzeko ekimena hain zuzen.
Guztira, 6 musika taldek joko dute udalerriko hainbat tokitan modu ibiltarian (egunero musika talde bat Mungiako zonalde batean) eta estilo desberdinekin, euskal kantu tradizionaletatik hasi eta fanfarreak, txarangak eta mariatxiak barne. Mungian honako talde hauek izango dira: Eingo, Josepa Kalez Kale, Kittu, Monstruos de la Universal, Sugarri, Taberna Ibiltaria eta Roberto Urrutia & Mariatxis.
Ibilbideen egutegia honakoa izango da:
|
Azaroak 10 |
Butroi, Aita Zameza Zubiaga eta Lauaxeta Olerkari kaleak |
|
Azaroak 17 |
Elorduigoitia Trobika, Aita Arrupe kaleak eta Foruen plaza |
|
Azaroak 24 |
Landetxo eta Intxausti Eresgile kaleak |
|
Abenduak 1 |
Zona 1: Aritz Bidea eta Erribide kaleak / Zona 2: Calles Aita Elorriaga, Mastibarrena eta Arana Goiritar Sabin kaleak |
|
Abenduak 15 |
Zona 1: Lauaxeta Olerkari kalea / Zona 2: Parque Torrebillela, San Kristobal, Ibaibide eta Errekatxu kaleak |
Ekimen hau "Mungia Indartzen" programaren barruan kokatzen da. Programa hori COVID-19aren pandemian zehar sortu zen, Mungiako merkataritza eta ostalaritza establezimenduetan jarduera suspertzeko asmoz, eta Udalak mantendu egin du tokiko negozioei laguntzen jarraitzeko. Bakarne Egia Ekonomia Sustapen eta Enpleguko zinegotziak adierazi duenez, "horrelako jarduerak oso pizgarri garrantzitsuak dira tokiko ekonomiarentzat. Azken urteotako esperientzia positiboa izan da eta, horregatik, programa hau indartu nahi dugu eta laguntza eta inbertsio ekonomikoei eutsi tokiko kontsumoa bultzatzeko. Gainera, gure kaleak hainbat ekimenekin dinamizatzeak herritarrei ekartzen dien onura gehitzen da. 2023ko ekainean Mungibonoa merkaturatu genuen saltokientzat, eta orain "Udagoienean, Musikaz Blai" jarri dugu martxan, gure esku dagoen guztia ematen jarraitu nahi dugulako gure udalerriaren pultsu ekonomiko eta sozialari eusteko ".