Datorren martxoaren 1ean, Babes Zibilaren Munduko Eguna dela eta, Mungiako Matxin plazan hainbat jarduera egingo dituzte Mungiako, Barakaldoko, Erandioko eta Bermeoko Babes Zibileko elkarteek, publiko guztiarentzat. Ildo horretan, profesionalek hainbat jarduera egingo dituzte, hala nola BBB bat egiten irakastea edo irrati-sistemaren erabilerari buruzko adibideak ematea, besteak beste.
Egitaraua 17:00etan hasiko da, karpa ezberdinekin, Matxin plazan. Horrela, Mungiako BZak karpa bat izango du, eta bertan plubiometroak egiteko tailerra egingo dute. Gainera, irrati-sistemaren erabileraren adibideak emango dituzte eta bertan dagoen materialaren zati bat erakutsiko dute. Horrez gain, etxean gerta daitezkeen suteei buruzko hitzaldi didaktiko-praktikoa emango dute, eta ke-karpa bat jarriko dute sentsazioa zein den ikusteko. Bestalde, Barakaldoko BZk karpan erakutsiko du zelan egin BBB; Erandioko BZk, berriz, Mungiara hurbilduko du trebatutako txakurren bat. Bermeoko BZk suhiltzaileen kamioia hurbilduko du.
Matxin plazan, Aldundiak eskainitako edukiontzi bat ere egongo da, suteen marruskadurari buruzko hitzaldi teorikoa egiteko. Euskal Pizkunde Etorbidean taldeen ibilgailuak ere egongo dira ikusgai.