Bagilaren 23an, Mungiak urteko egunik luzeena ospatuko dau San Juan bezperako ohiko egitarauarekin, musikea, dantza, txokolatea eta Deabru Beltzak taldearen 'Symfeuny' ikuskizuna biltzen dituana
Mungiak San Juan Gaua ospatuko dau, urteko egunik luzeenaren bezperako ohiko egitarauarekin. Zentzu horretan, bertaratzen diranak musikeaz, dantzaz, txokolateaz eta Deabru Beltzak taldearen Symfeuny "ikuskizunaz gozatu ahal izango dabe Olentzeroren etxearen aurrean.
Halan, 19: 30ak aldera, Mungiako Udalaren Musika eta Dantza Eskolak Matxin Plazan eskainiko dauen emanaldiaz gozatu ahal izango dabe ikusleek. Musikak eta dantzak umeen arretea bereganatuko dabe. 21: 30ak aldera, txokolate banaketa egingo da, eta Lorratz taldeko trikitilarien eta Udal Musika Eskolako ikasleen erromeriak Olentzeroren etxearen aurrean girotuko dau.
22:00etan, sua piztuko da Udal Dantza Eskolaren eskutik. Bertan, Txorimaloa piztuko da, San Jose Etxe-Alai egoitzako adinekoek egina. Egunari amaierea emoteko, 23:00etan, San Juanadaren suaren ondoan, "Symfeuny" egingo da, 2021eko Kale Antzerkiaren ikuskizun onenaren Max Saria eskuratu ebana. Soinu, argiztapen eta pirotekniazko eszenaratze indartsu eta ikusgarri batekin, Deabru Beltzak taldearen danbor dardartiek ikusleen arteko interakzinoa lortzen dabe, eta hori ikuskizun bikain honen ezinbesteko osagaia da.