Aurrerakinaren eta hasierako dokumentu estrategikoaren aurkezpena Olalde Aretoan egingo da martxoaren 2an, 18:30ean.
Mungiak aurrera egiten du HAPO berriaren onarpenean
-Aurrerakinaren eta hasierako dokumentu estrategikoaren aurkezpena Olalde Aretoan egingo da martxoaren 2an, 18:30ean.
-Dokumentu biak jendaurrean dauden artean (hilabete bi iraungo du), partaidetza-prozesuaren barruan, herritarrek parte hartzeko tailer bi egitea aurreikusi da; Olalde Aretoan, martxoaren 9an eta 16an, 18:30ean.
Mungian, 2023ko otsailaren 27an. Indarrean dauden arau subsidiarioak berrikusteko une honetan, Hiri Antolamenduko Plan Orokor berria idazteari begira, Mungiako Udalak lehen urratsa eman du Aurrerakina eta Hasierako Dokumentu Estrategikoa Jendaurrean Jartzeko Dekretua onartzeko izapideetan. Ildo horretan, idazki bien aurkezpena egingo da martxoaren 2an, 18:30ean, Olalde Aretoan.
Era berean, dokumentu bi horiek jendaurrean ikusgai dauden artean, parte-hartze prozesuaren barruan, herritarrek parte hartzeko tailer bi egitea aurreikusi da; Olalde Aretoan: martxoaren 9an eta 16an, 18:30ean. Tailer horietan, herritarrek dokumentuei buruzko alternatibak edo iradokizunak proposatzeko aukera izango dute. Dekretua BAOn argitaratzen denetik, Aurrerakina eta Hasierako Dokumentu Estrategikoa hilabete bian egongo dira jendaurrean.
Bestalde, Alaitz Erkorekak, Mungiako Udaleko lehenengo alkateordea eta Lurralde eta Ingurumen arloko zinegotziak, adierazi du: "mungiarren beharrei erantzungo dien HAPO berri bat nahi dugu eta, horretarako, ez dago ezer hoberik etorkizunean nahi dugun Mungia elkarrekin planteatzea baino. Udaletik aurrerapenaren aurkezpenera eta herritarren partaidetza-tailerretara joatera animatzen zaituztegu, zuen aukerak eta iradokizunak modu zuzenagoan jaso ahal izateko.
Aurrerapen dokumentua tresna bat izango da herritarrek udalerriko hirigintza-antolamenduaren irtenbide orokorrak ezagutu eta horietan parte har dezaten. Dokumentu horrek udalerrirako ezarri nahi diren irizpideak, helburuak, alternatibak eta antolamendu-proposamen orokorrak zehazten ditu. Horrez gain, hasierako dokumentu estrategikoa ingurumen-ebaluazio estrategikoaren prozedura hasteko aurrerapenarekin batera egin da, eta, besteak beste, klima-aldaketaren araberako ingurumen-inpaktu nagusiak edo jasotako plan sektorialetan eta lurralde-planetan aurreikus daitezkeen gorabeherak jasotzen ditu.