Urtarrilaren 16tik, urtarrilaren 31ra arte, Mercedes ikusteko aukera egongo da Torrebillela Kultur Etxea
Adineko pertsonen nahi gabeko bakardadearen arazoaren aurrean herritarrak kontzientziatzeko asmoz, Bakardade Ikusezina eskultura, Mercedes izeneko emakume baten irudia banku batean eserita ikus daitekeena, Mungian ikusi ahal izango da gaurtik, urtarrilak 16, urtarrilaren 31 arte, Torrebillela Kultur Etxean.
Ruben Orozco artista mexikarrak egindako obra hiperrealista da, herritarrak nahi ez den bakardadeaz kontzientziatzea helburu duena. Erakusketa hau BBK Herriz Herri ekimenaren barruan dago. Proiektu honen helburua da BBK-k bultzatzen dituen ekimenetako batzuk Bizkaiko hainbat herritara hurbiltzea.
Zehazki, Bakardade ikusezina erakusketak nahi ez den bakardadearen arazo soziala ikusarazi nahi du, batez ere adinekoei eragiten baitie, eta, aldi berean, herritarrak kontzientziatu nahi ditu zaintzaren eta elkartasunaren bidez lotura komunitarioak eta sozialak indartzearen garrantziaz. Mercedes tamaina errealeko eskultura hiperrealista da, bakardadean bizi diren milaka pertsonen errealitatea irudikatzen duena.
Ildo horretan, Bakarne Egia Mungiako Udaleko Gizarte Ekintza eta Berdintasun zinegotziak honako hau adierazi du: "Udalak konpromisoa hartu du herritarrak arazo honen inguruan kontzientziatzeko. Gure legegintza ibilbidean jasotzen dugun bezala, hau da Mungian adinekoen nahi gabeko bakardadearen inguruan lan egiteko egiten hasiko garen lehenengo ekimenetako bat".