2018ko martiaren 5etik 18ra Aurrekontu Partehartzaileak parte-hartze prozesua egin zan. Mungian erroldatutako bizilagunok aurrekontu partehartzaileetara bideratutako 300.000€-ak ze proiektutan inbertitzea gurago dogun zehazteko aukerea izan gendun.
Mungiako Udaletik eskerrik asko parte hartu eta lagundu dozuen guztioi, zuei esker posible izan da Aurrekontu Partehartzaileen prozesua garatzea.
Jarraian parte-hartze prozesuan jasotako galdeketak zenbat izan diran zehazten deutsueguz:
- Onartutako galdeketak: 663 (87,5%)
- Baztertutako galdeketak: 94 (12,5%)
- Guztira: 757 (%100)
Mungiako 2018ko Aurrekontu Partehartzaileak prozesuan guztira 757 bizilagunek hartu dabe parte (herriaren %4,6ak). Zuzeneko eta internet bidezko kanalen bitartez 8 proiektu planteatu dira eta, pertsona bakotxak dituan lehentasunen arabera, herritarrok gure eretxia emon dogu.
Galdeketak ez-baliozkotzearen irizpideak honeek izan dira:
- Gitxieneko datu pertsonalak jasotzen ez dabezan galdeketak
- Proiektuen hautaketa okerreko eran eginda dagozan galdeketak
- Mungian erroldatu bako parte hartzaileak
- Bi aldiz bozkatu daben parte hartzaileak
- 16 urte baino gutxiago dauzkaten pertsonak
Generoari dagokionez, emakumezkoen parte hartzea (%58,6) gizonezkoena (%41,4) baino handiagoa izan da. Hizkuntza aukeratzeko lehentasunari dagokionez, nahiko orekatua egon da, galdeketen %50,1a gaztelaniaz bete da eta %49,9a euskeraz.
Herritarren eskura jarritako kanalei dagokienez, Mungiako alkarte desbardinakaz egindako topaguneetan jaso da proposamenen kopururik handiena (239); jarraian, Online bidez egin diranak (220); Buzoi eta Postontzietan (166) eta, azkenik, karpetan jasotakoak (132).